ஆத்திசூடி - ஔவையார் - 26-40

-


ஆத்திசூடி - ஔவையார் - 13ஆம் நூற்றாண்டு நீதிநூல்

நவீனப் பொழிப்புரை


இலவம் பஞ்சில் துயில்


வெறும் தரையில் உறங்காதே. இலவம் பஞ்சால் ஆன படுக்கையில் உறங்கினால் உஷ்ணம், குளிர்ச்சி இரண்டும் சமநிலையில் இருக்கும்.


வஞ்சகம் பேசேல்


உள்ளொன்று வைத்து புறமொன்று பேசாதே. மனதில் பட்டதை வெளிப்படையாகப் பேசு.


அழகலாதன செய்யேல்


எதையும் ரசனையுடனும் அழகுணர்ச்சியுடனும் செய்து பழகு. ஏனோதானோ என்று செய்யாதே.


இளமையில் கல்


இளமையிலேயே உனக்குள்ள திறமையை வெளிக்கொண்டு வா. கல்லுதல் என்றால் அகழ்தல் என்றும் பொருள் உண்டு.


அறனை மறவேல்


தானமளிக்க மறக்காதே.


அனந்தல் ஆடேல்


போதை தரக்கூடிய வஸ்துகளைப் பயன்படுத்தாதே. அப்படிப் பயன்படுத்தினால் அவை உன்னை மீறி ஆட வைத்துவிடும்.


கடிவது மற


கடி என்றால் மிகுதி என்று பொருள். உனக்குத் தேவையானதை மட்டும் பெற நினை. மிகுதியாக எதையும் பெற நினைக்காதே.


காப்பது விரதம்


உண்ணா விரதமிருப்பது உயிரைக் காக்கும். விரதமிருந்தால் உடல்நோய் சீக்கிரம் குணமாகும்.


கிழமை பட வாழ்


பெருமை எய்தி வாழ். கிழமை என்றால் மாட்சிமை என்றும் பொருள் உண்டு.


கீழ்மை அகற்று


கீழான எதையும் அகற்று. குணத்தில், நலத்தில், பொருளில் கீழான எதையும் உடன் சேர்க்காதே.


குணமது கைவிடேல்


கொள்கை ஒன்றிருந்தால் அதை ஒருபோதும் கைவிடாதே.


கூடிப் பிரியேல்


கொண்ட நட்பை நீயாக உடைக்காதே. கூடாநட்பை நீயாகச் சேர்க்காதே.


கெடுப்பது ஒழி


நன்றாக இருக்கும் எதையும் நீயாகக் கெடுக்காதே.


கேள்வி முயல்


எதையும் கேள்வி கேட்டுப் பழகு. அப்படியே ஏற்றுக் கொள்ளாதே.


கைவினை கரவேல்


உனக்குத் தெரிந்த தொழிலை வெளிப்படுத்தினால்தான் உனக்கு நற்பெயர் கிட்டும். ஆகவே அதை மறைக்காதே.

இந்த வலைப்பதிவில் உள்ள பிரபலமான இடுகைகள்

வெற்றி வேற்கை - அதிவீரராம பாண்டியர் - 1 - 10

-
கடவுள் வாழ்த்து பிரணவப் பொருளாம் பெருந்தகை ஐங்கரன் சரண அற்புதமலர் தலைக்கு அணிவோமே ஓம் என்னும் பிரணவ மந்திரத்தின் முதல்வனாகிய ஐந்து கர ஆண்டவனின் பாதமலர்களைத் தலைக்குச் சூட்டித் தொடங்குவோம். நூற்பயன் வெற்றி வேற்கை வீர ராமன் கொற்கை யாளி குலசே கரன்புகல் நற்றமிழ் தெரிந்த நறுந்தொகை தன்னால் குற்றம் களைவோர் குறைவிலா தவரே. கொற்கை நகரத் தலைவனாகிய, வெற்றிவேலைக் கையில் ஏந்திய குலமுதல்வன் வீரராமன் நற்றமிழ் கொண்டு பகரும் இந்த நறுந்தொகையைப் படித்துத் தங்கள் குற்றங்களை நீக்குவரே நற்குணதோர். 1. எழுத்தறி வித்தவன் இறைவன் ஆகும் கல்வி புகட்டுவார் கடவுளுக்குச் சமமாவார். 2. கல்விக்கு அழகு கசடற மொழிதல் கற்றதைத் தெளிவாக எடுத்துரைத்தலே அந்தக் கல்விக்கு அழகு. 3. செல்வர்க்கு அழகு செழுங்கிளை தாங்குதல் செல்வந்தருக்கு சொந்தபந்தங்களைப் போஷித்தல் அழகு. 4. வேதியருக்கு அழகு வேதமும் ஒழுக்கமும் அந்தணருக்கு அவர்கள் ஓதும் வேதமும் பேணும் ஒழுக்கமும் அழகு. 5. மன்னவர்க்கு அழகு செங்கோன் முறைமை நாடாளும் அரசனுக்கு நீதி வழுவாச் செங்கோல் அழகு. 6. வைசியருக்கு அழகு வளர்பொருள் ஈட்டல் வாணிபம் செய்பவருக்கு நல்வழியில் பொருளீட்டுவது அழகு. ...
மேலும் படிக்கவும்

திருமூல ஔவையார் பாடிய நல்வழி - 11 - 14

-
 11. ஒருநாள் உணவை ஒழியென்றால் ஒழியாய் இருநாளுக்கு ஏலென்றால் ஏலாய்-ஒருநாளும் என்னோவு அறியாய் இடும்பைகூர் என்வயிறே உன்னோடு வாழ்தல் அரிது. ஒருநாள் சோறுண்ணாதே என்றால் முடியாதென்பாய். இரண்டு நாட்களுக்கு எதுவும் தர முடியாதென்றால் முரண்டு பிடிப்பாய். உன்னை நிரப்ப நான் படும் கஷ்டம் அறியாமல் துன்பம் தரும் என்னுடைய வயிறே, உன்னோடு வாழ்வதுதான் மிகவும் கஷ்டம். 12. ஆற்றங் கரையின் மரமும் அரசறிய வீற்றிருந்த வாழ்வும் விழுமன்றே-ஏற்றம் உழுதுண்டு வாழ்வதற்கு ஒப்பில்லை கண்டீர் பழுதுண்டு வேறோர் பணிக்கு. ஆற்றங்கரையில் வேர்பிடித்து நிற்கும் மரமும், அரசப் பதவியும் ஒருநாள் வீழும். உழவுத் தொழில் செய்து வாழ்வதற்கு ஒப்பான வேறு பணியில்லை. மற்றெல்லாப் பணியும் ஒருநாள் விட்டுப் போகும். 13. ஆவாரை யாரே அழிப்பர் அதுவன்றிச் சாவாரை யாரே தவிர்ப்பர்-ஓவாமல் ஐயம் புகுவாரை யாரே விலக்குவார் மெய்யம் புவியதன் மே. இந்த பூமி மீது மெய்யான வலிமையுடைவரை யாரால் அழிக்க முடியும்? வலிமையில்லாமல் இறப்போரை யாரால் தடுக்க முடியும்? ஓயாமல் இரந்து நிற்பவரை யாரால் திருப்திப்படுத்த முடியும்? 14. பிச்சைக்கு மூத்தகுடி வாழ்க்கை பேசுங்கால் இச்சைபல ...
மேலும் படிக்கவும்

திருமூல ஔவையார் பாடிய நல்வழி - 27 - 30

-
 27. ஒன்றை நினைக்கின் அதுஒழிந்திட்டு ஒன்றாகும் அன்றி அதுவரினும் வந்தெய்தும்-ஒன்றை நினையாத முன்வந்து நிற்பினும் நிற்கும் எனையாளும் ஈசன் செயல். கடவுளின் கணக்கிற்கேற்ப, ஒரு விஷயம் வேண்டுமென நினைத்தால் இன்னொன்று கிட்டும், இல்லையென்றால் அதுவே கிட்டும், அதுவும் இல்லையென்றால் நினைத்தே பார்க்காத வேறொன்று கூட கிட்டும். எல்லாம் இறைவன் செயல். 28. உண்பது நாழி உடுப்பது நான்குமுழம் எண்பது கோடிநினைந்து எண்ணுவன-கண்புதைந்த மாந்தர் குடிவாழ்க்கை மண்ணின் கலம்போலச் சாந்துணையும் சஞ்சலமே தான். உண்பதென்னவோ ஒருபிடி சோறு, உடுப்பது நான்கே முழத் துணி. ஆனால் மனதில் எப்போதும் மாளாத எண்ணங்கள். அருட்பார்வை அற்ற மனிதர்களின் வாழ்க்கை மண்பானை போல, மரிக்கும் வரை மனதில் துயரமே நிறைந்திருக்கும். 29. மரம்பழுத்தால் வௌவாலை வாவென்று கூவி இரந்தழைப்பார் யாவரும் அங்கில்லை-சுரந்தமுதம் கன்றுஆ தரல்போல் கரவாது அளிப்பரேல் உற்றார் உலகத் தவர். பழுத்த கனியைப் புசியென்று பறவைகளை மரம் அழைப்பதில்லை. மடி சுரக்கும் பாலை அருந்தென்று மாடு தன் கன்றைக் கூப்பிடுவதில்லை. கொண்ட செல்வத்தை மறைக்காது மற்றவர்களுக்கு அள்ளி வழங்கும் எவரும் உலகத்தாருக்...
மேலும் படிக்கவும்